Членовите на американското хип-хоп трио „De La Soul“, соопштија дека успешно собраа пари, кои им се потребни за снимање на новиот албум, преку Kickstarter кампања.
Групата собра 400 000 фунти за албумот насловен „And The Anonymous Nobody’“, кој го најавија по 11 години од „The Grind Date“. Во него се очекува да настапат и Damon Albarn, David Byrne, 2 Chainz и Little Dragon.
Оваа хип-хоп група преку „Kickstarter“, првично сакаше да обезбеди 74.000 фунти за снимање на албумот, меѓутоа со поддршка од нивните обожаватели и останати интернет корисници, успеа да собере многу поголема сум.
„Еден од начините на кој може да се сфати ова е дека тргнавме од самите себе. Досега, имаме повеќе од 200 часа музика снимена на лента, ја снимавме оваа музика со години и конечно го добивме она што ни е потребно за да направиме најдобр музичко дело од „De La Soul“ досега“, велат од групата.
Претходниот месец пак, „De La Soul“ го претстави и новиот сингл „ God It“, кој нема да се појави на новиот албум.