Пред два дена започна снимањето на краткометражниот филм „Долу од рајот“ на младиот македонски режисер Саша Станишиќ, а по сценарио на Кристина Христова- Николова.
Снимањето ќе трае уште 4 дена на повеќе локации во Битола. Ова е трет филм на режисерот Саша Станишиќ. Автор е на два краткометражни филмови „Мангава Диско Панк“ кој беше дел од омнибусот „Скопје Ремикс“ и „Митот за Сара“.
Главните улоги ги играат Ана Ошавкова, Зоран Бојаровски, Кристина Христова- Николова и Соња Ошавкова. Директор на фотографија е Горан Наумовски, сценограф Влатко Зафирковски, костимограф Бурим Муслиу. Филмот е поддржан од Агенцијата за филм на Р.Македонија, Националниот филмски центар во Бугарија и СЕЕ Синема Нетворкс.