Улични уметници од различни континенти преку своите цртежи ја поддржаа каузата на Флојд и искажаа солидарност со демострантите против расизмот.
Мурал со ликот на Џорџ Флојд, афроамериканецот кој на 46 годишна возраст беше убиен од страната на полицијата, беше нацртан од два сириски уметника и објавен на социјалните мрежи оваа недела.
Според арапските медиуми, лицето на Флојд, заедно со сцената од неговата смрт и зборовите „не можам да дишам“, се нацртани од страна на Азиз Асмар и Анис Хамдун, кој го опишуваат ова дело како „повик за мир и љубов“.
Овој мурал претставува само едно од многуте дела по улиците на светот кои се појавија за да го овековечат Флојд и да искажат солидарност со анти расистичките демонстрации кои беа поттикнати од неговата смрт.
Мурали со Флојд се појавија и на други локации во светот, односно Манчестер, Даблин, Берлин, Барселона, но и во градови во САД.
Фразата „не можам да дишам“, дел од последните зборови на Флојд, е повторувачки мотив во уметничките дела, заедно со повиците да се запомни неговото име.
Флојд го изгуби својот живот на 25 мај, откако белиот полицаец, 44 годишниот Дерек Шаувин, клечеше на вратот на Флојд девет минути, игнорирајќи ги молбите на жртвата.
Смртта на Флојд го продолжи ланецот на изгубени афроамерикански животи од страна на полицијата, меѓу кои се и смртта на Тони МекДејд и Бреона Тејлор.
Во уметничко дело посветено на Флојд кое се наоѓа на местото на смртта во Минеаполис, нацртано од страна на Ксена Голдман, Кадекс Херера и Грета МекЛејн, се испишани и имињата на другите афроамериканци кои беа убиени од страна на полицијата, заедно со слоганот „кажи го нашето име“ и тупаници кренати во солидарност.
„Нашата идеа беше да го претставиме Флојд како херој за социјална правда, а не жртва“, истакнала Херера за локален медиум.
Во продолжение, прегледајте ја галеријата со муралите посветени на Џорџ Флојд.
Teach kids about racism & privilege. Teach them to recognise their privilege- white, class, straight, cis, male privilege & teach them to be allies. Teach them to always stand up to racism & discrimination. Teach them to do better than the generations that came before them. pic.twitter.com/zpSWGXZNgu
— Emmalene Blake (@emmaleneblake) May 31, 2020
View this post on Instagram
The artist just completed this as I walked past ❤️ taken in Stevenson Square, Manchester
Извор: Dazed&Confused