Од Abbey Road до Paul’s Boutique, локации кои претходно се сметале за секојдневни и без некоја посебна вредност се овековечени на кориците од познати албуми правејќи ги значителни дестинации. Со помош на Google Maps, во продолжение се прикажани дел од локациите како изгледаат во реалниот живот и каде се наоѓаат.
Led Zeppelin, „Physical Graffiti“ – 96 и 98 St. Mark’s Place, East Village NYC: „Имав концепт за бендот кој опфаќаше зграда каде луѓе живеат и влегуваат и излегуваат” изјави дизајнерот на албумот Peter Corriston. Локацијата на кој тој се одлучил е истата на која снимаа Rolling Stones за песната „Waiting For A Friend’.
Bob Dylan, „The Freewheelin“- Jones Street/ West 4th Street, NYC: Едноставна фотографија сликана на аголот од улица во West Village од фотографот Dean Hunstein, го прикажува Dylan и неговата тогашна партнерка Suze Rotolo како шетаат во близина на нивниот апартман.
Oasis, „What’s The Story (Morning Glory)?“ – Berwick St, Soho, London: На фотографијата се диџејот Sean Rowley и продуцентот на албумот Owen Morris. Денеска, на оваа улица можат да се најдат голем број на продавници.
David Bowie, „The Rise And Fall Of Ziggy Stardust“ – 23 Heddon St, London: На фотографијата е прикажан знак на кој пишува „K.West“ на една од главните улици во Лондон. Корицата на албумот претставува едноставна фотографија која се уште е несфатливо која е пораката.
Beastie Boys, „Paul’s Boutique“ – Corner of Ludlow St and Rivington St, New York: Фотографирана од Jeremy Shatan, насловната на албумот на Beastie Boys од 1989 прикажува богата населба во Њујорк со фокус на киоск чиј сопственик е Lee’s Sportswear. Денеска, на тоа место е сендвичарницата Wolfnights, но е поставен мурал во чест на насловната на албумот.
The Beatles, „Abbey Road“ – Abbey Road, London: Можеби една од најпознатите локации прикажана на корица од албум прерасна во туристичка сензација откако по тој пешачки премин поминаа членовите на групата The Beatles.
Eminem, „Marshall Mathers“ – 19446 Dresden St, Detroit: Во случај да се обидете да ја пронајдете куќата од детството на Eminem во Детроит, ќе пронајдете мал дел од неа кој останал. Во 2013 година куќата беше дадена на аукција со почетна цена од само еден долар, а само неколку месеци подоцна , поради се уште неразјаснети причини, куќата изгоре во пожар.
Kiss, „Dressed to Kill“ – 23rd St & Eighth Avenue, New York: Насловната за албумот на групата Kiss од 1975 е необичен, делумно поради нивниот формален изглед, а дел поради скромната локација.
Pink Floyd, „Animals“ – Battersea Power Station: Покрај тоа што локација е предложена од вокалистот Roger Waters, најзабележителниот дел од корицата на албумот се свињи кои летаат над зградите.
Black Sabbath, „Black Sabbath“ – Mapledurham Watermill: Иако фотографијата делува малку застрашувачки, всушност на неа е прикажано добропознатото место во Оксфордшир со прекрасен пејзаж.
Pink Floyd, „Wish You Were Here“ – Warner Bros Studio complex, California: По вторпат оваа група се најде на оваа листа со корицата од албум која го прикажува студиото Warner Bros во Калифорнија, со опасен ефект на маж кој гори. На денот на снимањето, имало ветар кој ги изгорел мустаќите на еден од актерите. Сепак, оваа корица се смета за една од најдобрите.
U2, „All That You Can’t Leave Behind“ – Roissy Hall 2F, Charles de Gaulle Airport, Paris: На корицата на овој албум е прикажан одделот за заминување во најголемиот аеродром во Париз, Шарл де Гол.
The Clash, „The Clash“ – Camden Market: На фотографијата е прикажана локацијата каде групата ги имала првичните проби. На неа го нема тапанарот Terry Chimes бидејќи претходно тој одлучи да го напушти бендот.