Илјадници демонстранти и денес се собраа пред зградата на Специјалното јавно обвинителство во Скопје, од каде тргнаа кон Рекорд и Собранието. Граѓаните, со извици „Оставка“, „Нема правда – нема мир“, „Мафија на робија“ и „Дојдете со нас“ (кон полицајците), повторно застанаа пред Министерството за правда и фрлаа со балони со боја кон фасадата. Понекој балон заврши и во излогот на Народната канцеларија на претседателот Иванов. Граѓаните сега се пред Собранието, каде има обраќања на активисти.