Пунктовите за бездомни лица функционираат, а во соработка со „Црвен Крст“ се делат заштитни маски и средства за дезинфекција за бездомниците, известуваат од Министерството за труд и социјална политика.
„Четирите прифатни пунктови за бездомни лица, отворени во соработка со „Црвен крст“, се функционални и по препораките на Владата делат пакувана храна, маски и гелови за дезинфекција за бездомните лица. Во функција се прифатните пунктови во Скопје, Битола, Струмица и Струга“, пишува во соопштението на Министерството.
Дополнително, во Скопје функционира и медицински пункт во Момин Поток, во организација на „Црвен Крст“. Хигиенски производи се дистрибуирани и на бездомните семејства сместени во Визбегово.
Преку центрите за социјална работа, Министерството за труд и социјална работа организира акција за набавка и дистрибуција на средства за дезинфекциј и заштитни средства за семејствата кои живеат во субстандардни услови.