„Готово е Никола“, „Нема правда, нема мир“, „Не ве амнестираме“, извикуваат граѓаните во близина на Европскиот универзитет, каде се спречени од силно полициско обезбедување.
Протестот и денеска започна пред просториите на СЈО, а според репортерот на Радио МОФ, досега е најмасовен.
„Вистинските хулигани не се меѓу нас, вистинските хулигани се во власта. Протестирам за да живеам дома, протестирам за да не емигрирам“, вели студентката и активистка Долорес Поповиќ.
Колоната не може да се движи подалеку од Европскиот универзитет и крстосницата кај Паркот на новинари.
Демонстрантите кои се наоѓаат во непосредна близина на Министерството за образование и наука мирно се обидуваат да го поминат полицискиот кордон, скандирајќи „Дојдете со нас“ и „Спуштете ги штитовите“, но пристап кон било која од институциите им е оневозможен.
![](http://www.radiomof.mk/wp-content/uploads/2016/04/13064090_10209091805843129_581823161_o-1024x575.jpg)
![](http://www.radiomof.mk/wp-content/uploads/2016/04/13077377_754275171339424_224565775_n.jpg)