ЈП „Комунална хигиена“ Скопје денеска го чистеше дворот на студентскиот дом „Гоце Делчев“, во скопската општина Карпош, во рамки на акциите за чистење на студентските домови и универзитетите кои ги спроведуваат месецов.
Во расчистувањето на големото количество градежен отпад од дворот на студентскиот дом, покрај десет работници, ангажирана е и механизацијата како втоварувач, кипер и специјално комунално возило-патарка.
Изминативе денови екипите на јавното претпријатие го чистеа кампусот на УКИМ и дворот студентските „Пелагонија“ и „Кузман Јосифовски Питу“. За утре е најавено чистење на средното хемиско училиште во Скопје.