[Фото] Новинарите го оставија погребниот венец пред Влада

Новинарите денеска напладне се собраа пред Влада каде го фрлија погребиот венецот кој вчера беше испратен во куќата на новинарот Борјан Јовановски.

Тие велат дека Владата е вистинското место за изразување револт од овој грозоморен чин, особено ако се знае дека Борјан Јовановски е еден од најгласните критичари на власта и е мета на долгогодишно вербално насилство од страна на медиуми и новинари кои важат за блиски до владејачката партија.

Од Новинарскиот пленум побараа Владата да преземе мерки за справување со ваквите притисоци и заканите кон новинарите. Тие бараат од министерката за внатрешни работи Гордана Јанкулоска во рок од 24 часа да ги пронајде испраќачите на погребниот венец, а од лидерот на ДПМНЕ и премиер да го осуди јавно овој морбиден чин и да ги повика своите медиумски и партиски џелати да ги запрат хајките против новинарите.

Вчера вечер непознато лице дошло во семејната куќа на уредникот на „Нова“ Борјан Јовановски и на неговата сопруга и оставило венец со натпис „последен поздрав“ велејќи дека „поздравот“ е од Тодор Александров.