Единицата за брзи артивистички акции опомена стотина несовесно паркирани возачи во Скопје, ставајќи налепници на кои пишува „ПРЕДУПРЕДУВАЊЕ! / паркирањето на овој автомобил е нодговорно / Ве молиме следниот пат паркирајте одговорно. За ноќните неодговорни возачи обезбедени беа и трепкачки светла.
Налепниците за неправилно паркирани коли се директна акција кон луѓето кои ги кршат правилата, и адресирани се во вистинско време на вистинско место, појаснуваат артивистите.
„Живееме во состојба на алармантна урбана некултура: сообраќаен хаос, непочитување на сообраќајни прописи, недостаток на услови за непречено и безбедно движење со велосипеди и пешаци , непрописно паркирање…
Причините за ваквата неодговорноста на граѓаните кон овие состојби се многубројни, но останува фактот дека тоа што најмногу недостасува е немањето свесност и совесност за заедничко живеење и функционирање во еден град и потребата за индивидуална и општествена одговорност“, велат артивистите.
Се надеваат дека со оваа акција ќе придонесат кон подобрување на состојбите во урбана култура.
Акцијата е дел од проектот на Единицата за брзи артивистички акции финансиски поддржан од Фондацијата Отворено општество – Македонија.