Дебатниот филмски клуб „Лале“ вечерва во Џебното кино на МКЦ организира проекција на филмот „The Straight Story“ на прославениот режисер David Lynch, од 1999 година. По проекцијата, ќе следи дискусија на која ќе учествуваат актерите Петар Арсовски и Никола Ристановски.
Филмот „The Straight Story“ е биографска приказна за фармерот Alvin Straight, кој во 1994 година пропатувал речиси 400 километри низ американските држави Ајова и Висконсин, возејќи машина за косење трева, за да го посети својот болен брат. Музиката во филмот е на честиот соработник на David Lynch, Angelo Badalamenti.