Од 14-ти до 17-ти февруари ќе се одржува Фестивалот на експериментална музика „Waves of Ambience #2“. Фестивалот ќе се одржи на две локации во Скопје, почнувајќи на 14ти Февруари во Ла Кања, и две вечери во Социјалниот Центар Дуња на 16ти и 17ти Февруари, со артисти од Македонија и Малта.
Waves of Ambience #2 е годишна прослава на експериментално амбиентални музички и аудитивни / визуелни медитации, како мал “DIY” фестивал организиран од www.ampeff.com.
Најавените изведувачи за оваа година се Amplidyne Effect, Vedis, Likvidator, Robert Farrugia, Post Global Trio, Brotherhood of Dada и квартетот Омерагиќ / Георгиевски / Спировски / Мартиновски.
Влезот на фестивалот ќе биде со донација, а повеќе информации за музичарите можете да најдете на интернет страницата на Wawes of Ambience #2.