Во склоп на фестивалот „Sunny Hill“ во Косово, каде има фокус и на електронската музика, ќе настапува и Норман Квентин Кук, познат како Fatboy Slim.
Се работи за британски музичар и диџеј кој помогна да се издигне т.н. биг-бит жанр во 1990-ите, а сега во Косово ќе се качи на „C4“ стејџот и се очекува високоенергичен настап до раните утрински часови.
Фестивалот „Sunny Hill“ ќе се одржува од 1 до 3 август, а Fatboy Slim ќе се приклучи на имиња како Anyma, Peggy Gou, Mochakk, Tommy Gold, Skream…
Во програмата се вклучени и Artssassin, Bookie и Deezy, кои носат „урбани ритми“, потоа Sainté и Sienna Spiro, свежи гласови во хип-хоп/алт-попот, исто така Skream, пионер на дабстепот, Sugar Rush и Tommy Gold со енергични сетови, но и TSHA – која настапувала на сцени како Glastonbury и Lost Village.
Воедно, тука ќе биде и дуото Mygal B2B Edgar Kerri.
