Ennio Morricone ќе компонира музика за новиот филм на Quentin Tarantino

Прославениот режисер Quentin Tarantino откри дека италијанскиот композитор Ennio Morricone ќе ја компонира музиката за неговото најново остварување, филмот „The Hateful Eight“, кој ќе претставува омаж на режисерот на жанрот „шпагети вестерн“.

Ова ќе биде враќање на Morricone на жанрот по повеќе од 40 години, откако тој во 60-те и 70-те компонираше музика за бројни шпагети- вестерн филмови, вклучувајќи ги и класиките, како „The Good, the Bad and the Ugly“ и „Once Upon a Time in the West“ на Sergio Leone.

Соработката на режисерот и композиторот трае веќе 12 години, а започна со првиот дел од „Kill Bill“. Ова ќе биде шестиот филм по ред на Tarrantino за кој ќе компонира Morricone.

Во 2013, изгледаше дека соработката (и пријателството) меѓу двајцата уметници ќе заврши, кога Morricone пред студенти во Рим изјави дека режисерот „ја поставува музиката во своите филмови без кохерентност“ и дека „не му е гајле за ‘Django Unchained’“. Но, композиторот подоцна ги поијасни своите изјави и рече дека „има голема почит за Tarrantino“ и дека му е „драго што ја избира мојата музика“.  “Hateful Eight” ќе биде првиот филм на Tarrantino за кој ќе има комплетно компонирана музика, без „позајмени“ композиции.