„Engage Кicks&Gigs@Home“ со Андреа Коевска

Радио МОФ ви ја прикажува третата епизода на „Engage Кicks&Gigs@Home“ со Андреа Коевска. Покрај студирањето на соло пеење на смерот Џез и Популарни жанрови, Андреа своето време го поминува во студио со Александар Масевски каде што заедно ги креираат новите кул хитови. Нејзина главна окупација во моментов е да создава своја авторска музика. Во видеото, покрај нејзините авторски песни „I Know” и „Heartbreak”, ја изведува и „Youth“ од Daughter.

Во време кога поради новиот корнавирус сите седат дома, и македонските музичари во „Engage Кicks&Gigs@Home“ од својот дом ги изведуваат омилените песни. Во веб серијалот гостуваат млади и алтернативни бендови и музичари од земјава, а целта ни е да ја поддржиме и промовираме локалната сцена, како и да ја запознаме публиката со домашните музичари од еден поинаков агол.