Една од најпопуларните пејачки на денешнината, Англичанката Ellie Goulding, ќе го отвори годинешното издание на фестивалот EXIT во Нови Сад, со настап на 7 јули на Петроварадинската тврдина, соопштија организаторите.
Goulding има мултимилионски тиражи, бројни награди и преку три милијарди прегледи на нејзините песни на Youtube, а на EXIT доаѓа по настапите на најголемите светски фестивали, меѓу кои и: Glastonbury, Lollapalooza, Future Music, Rock Werchter и Sziget.
EXIT годинава се одржува од 7 до 10 јули, а потоа фестивалот продолжува со забава на јадранското приморје, со третото издание на фестивалот Sea Dance во Будва, Црна Гора, од 14 до 16 јули.