„Еко-свест“ започнува со едукативна онлајн програма насловена „Да зборуваме за одржлива животна средина“, преку која ќе се споделуваат меѓународни и домашни искуство од луѓе кои работат на проекти фокусирани во создавање на одржлива животна средина.
„Говорниците кои ќе бидат наши гости ќе ги споделат нивните успешни активности и најдобри практики околу проекти кои придонеле кон создавање на одржливи животни средини во заедниците каде што живеат. Бидејќи еколошките услови и економските и социјалните системи се разликуваат во секоја држава, не постои еден единствен план за тоа како да се спроведат практики за одржливост. Затоа, сакаме да разбереме од нашите говорници како нивните проекти влијаат самостојно за да се обезбеди дека одржливиот развој се спроведува како глобална цел“, најавуваат од Еко-свест.
Првата сесија ќе се одржи на 16 април (четврток) со почеток во 10 часот наутро, а прва гостинка ќе биде Саманта Куман, службеник за застапување во Центарот за законодавство за животна средина и права на заедницата, во Папау Нова Гвинеа. Таа ќе го презентира нејзиниот проект на тема „Едукација и програми за оправување со отпад“.
Настанот е од отворен карактер за сите заинтересирани учесници и ќе се води на англиски јазик. Повеќе информации за пријавувањето на следниот ЛИНК.