Преку изложби, проекции, работилница, дебата и настапи од 6 до 9 март во Младинскиот културен центар, Кинотека и Униферзитетот ЕФТА ќе бидат одбележани годинешните 11-ти „Вечери на женски права“.
Вечерите, под покровителство на Град Скопје, ќе стартуваат на 6 март во МКЦ, каде во Галеријата од 19 часот ќе биде отворена меѓународната ликовна изложба од повеќе автори – „Будење“. Истовремено, во фоајето на „Фросина“ ќе има и изложба на студенска фотографија „Кршење на обрасците“.
Во киното „Фросина“, пак, од 20 часот ќе се одржи дебата модерирана од Ана Јовковска. Гости-дебатери ќе бидат Ленче Здравкин, хуманистка и активистка, Бојан Јовановски, поранешен извршен директор на ХЕРА, потоа активистката и феминистка Љуљета Адеми и поетесата Ана Голејшка.
Потоа таму следи проекцијата на филмот „Дневникот на Дијана Будисављевиќ“, но и настап на „Киклоп“ со нумери од женски изведувачи.
Следниот ден, 7 март, на Универзитетот ЕФТА во Скопје од 11 часот е закажана работилницата „Мајчинство, репродуктивни права и креативност“ од Елена Марчевска, професорка за драма и перформас на Универзитотот Лондон Соутбенк.
„Работилицата посебно ја препорачуваме за студенти по актерска игра, родови студии и теорија на уметноста и ќе има пошироко обраќање до публиката заинтересирана за мајчинство, грижа за децата, креативност и психоанализа“, се вели во најавата за настанот.
На Меѓународниот ден на жената, 8 март, во Кинотека од 20 часот ќе има проекција на филмот „Куќа на малата ѕвезда“ на хрватската режисерка Слаѓана Лучиќ, по што следува разговор.
„Куќата на малата ѕвезда“
Финалниот ден од „Вечерите на женски права“, 9 март, во Кинотека е резервиран за проекцијата на филмот „Отворена врата“ на Флоренс Папас од Албанија.
Целата детална програма може да ја видите ТУКА.