„Здравствениот систем во Македонија“ е темата на која ќе се дискутира денеска во Кампот на слободата, на 16-тиот ден од поставувањето на шаторите пред Влада.
На дискусијата ќе се обратат гинекологот Гоце Чакаровски, новинарката Менче Точи, докторот Дејан Ставриќ, поранешниот заменик-министер за здравство Владимир Лазаревик и стоматологот Менде Диневски.
Вчерта, со почеток од 20 до 22 часот е резервирана за новинарот и филмски критичар Влатко Галевски кој ќе се претстави со филмска музика. Во меѓувреме, денеска во кампот продолжуваат редовните активности и хуманитарниот базар.
Неколку стотина граѓани и активисти 16 дена кампуваат пред владиниот објект. Тие велат дека остануваат во шаторите додека сегашната Влада не си поднесе оставка и не се формира преодна Влада што ќе биде реална политичка волја на граѓаните на Македонија.