„Дигиталниот свет ми ја смени палетата со која обично работев“

Трајче Павлов е дипломиран графичар при Факултетот за ликовна уметност во Скопје. Автор е и учествувал во повеќе од 23 самостојни и групни изложби во земјата и странство.

Во моментов работи како водечки уметник во „Sindex Gaming Studios“. Заедно со мал тим колеги последно ја изработија 2Д акционо-авантуристичката платформер игра „SciGirl: The internship“. Со неа во септември учествуваа на Gamescom, најголемиот саем за видеоигри. Како први македонски претставници на овој саем, имаа можност да ја промовираат демо верзијата на играта.

„Иако во последните 5 години работам дигитално, се трудам да не заостанам во мојот традиционален пристап и израз што мислам дека е препознатлив кај поголемиот дел од луѓето што се симпатизери на илустрација и цртеж“, вели тој.

Неговата пасија за уметност ја вдахнал неговиот роднина, кавадаречкиот ликовен уметник Ристо Соколов- Сокол. Но, денес за Павлов не постои граница во изборот на техника, медиуми и нивна комбинација. Постојано сака да учи нови принципи и дисциплини.

„Посебно откако се запознав со 3Д софтверите, благодарение на колегите од Video House Animation кои несебично споделија од нивното знаење. Дигиталниот свет ми ја смени палетата со која обично работев – Почнав да гледам во боја“, вели тој.

Павлов е уште еден уметник кој се приклучува на нашата иницијатива #ИнстаИлустрации. Во продолжение, погледнете дел од неговите дизајни:

View this post on Instagram

A post shared by Pavlov Trajce (@_tac_ot_)

МОЖЕ ЌЕ ВЕ ИНТЕРЕСИРА