Деветто онлајн издание на „Global Game Jam“ од 27 до 31 јануари

Од 27 до 31 јануари ќе се одржи деветто издание на „Global Game Jam“ маратонот во правење игри, оваа година онлајн и во проширен формат, се вели во најавата за настанот.

„Сите сте поканети! Гејм дизајнери, 2Д артисти, програмери и девелопери, саунд дизајнери, 3Д моделери, раскажувачи и писатели, мрчатори, ловци на багови, но и сите кои сакаат да да имаат било каква врска со игри. Сега немате оправдување за ескивација! Сите на едно место, без ограничување со локации, превоз и други логистички гличови“, се додава во најавата за настанот.

Оттаму посочуваат дека заинтересираните можат бесплатно да се пријават на следниов ЛИНК, како и да се приклучат на официјалниот канал на платформата „Дискорд“.

Темата, наградите и другите информации сè уште не се познати, но тие најавија дека ќе бидат објавени дополнително.