National Geographic прави историски чекор кон видливоста на транс лицата во своето ново издание, насловено „Родова револуција“ (Gender Revolution). Магазинот, кој има повеќе од девет милиони читатели, го прикажува 9-годишното трансродово девојче Ејвери Џексон, на насловната страница на јануарскиот број.
Ејвери им рекла на своите родители дека се идентификува како девојче кога имала само три години, а кога наполнила седум, се обратила на јавноста преку видео што точно значи да се биде млада транс личност.
We just published our historic special issue of @NatGeo on the #GenderRevolution. Get one at 1-800-777-2800.https://t.co/pXvHw5Kjz9 pic.twitter.com/jbjj48wb96
— Susan Goldberg (@susanbgoldberg) December 15, 2016
Сега, токму таа е лицето на специјалното издание „Родова револуција“, придружено од документарец снимен во соработка со Кејти Курик, за телевизискиот канал National Geographic.
На насловната може да се види и цитат на Ејвери: „Најдобрата работа за тоа што сум девојче, е што веќе не мора да се преправам дека сум момче“.
Сузан Голдберг, уредник на National Geographic Partners и одговорен уредник на магазинот, вели: „National Geographic е речиси 130 години стар, а сме покривале култури, општества и социјални проблеми сиве овие години. Ни текна дека родот е во центарот на толку многу проблеми во вестите денес.
Сакавме да видиме како традиционалните родови улоги се искажуваат низ светот, но и да го погледнеме полот како спектар. Многу се пишува за познатите, но нема никакво разбирање за реалните луѓе и проблемите со кои се соочуваат секој ден во училниците и канцелариите, кога се работи за нивниот пол“.