Викендов, од 11 до 13 август, ќе се одржи фестивалот „Way Out West“, во Гетеборг, Шведска. На десеттото, јубилејно издание на фестивалот ќе настапат одлични изведувачи, меѓу кои и The Libertines, SIA, Skepta, Massive Attack, Morrisey, PJ Harvey и други.
Интересно за овој фестивал е тоа што има две програми: „Way Out West“и „Stay Out West“. „Way Out West“ е „дневната“ програма која започнува од 14 часот и трае до 23 часот, во паркот Слотскуген.
„Stay Out West“е „ноќната“ програма на фестивалот која се случува во неколку ноќни клубови низ градот. Како дел од „Stay Out West“ програмата се најдоа Aluna George, De La Soul, Peter Bjorn and John, Sleaford Mods и други.
Традиционално фестивалот се случува во август во паркот Слотскуген, а во минатото издание настапија изведувачи како Primal Scream, Erykah Badu, Manu Chao, Kanye West, Neil Young, Arctic Monkeys, Florence and the Machine.
Радио МОФ ќе ги следи сите случувања во текот на овој фестивал, со текстови и галерии од настанот.