Сер Дејвид Атенборо се приклучи на Инстаграм во обид да ги сподели своите погледи за екологијата со поголема публика.
Популарниот радиоводител ја сподели својата прва објава, каде преку кратко видео, 94-годишникот го опиша спасувањето на планетата како „предизвик со комуникацијата“.
„Се појавував на радио и телевизија во последните 60 години, но ова е првпат на Инстаграм“, рече Атенборо.
„Го истражувам овој нов начин на комуникација, бидејќи, како што сите знаеме, светот е во неволја. Континентите горат, глечерите се топат, коралните гребени умираат, рибите исчезнуваат од нашите океани… списокот продолжува и продолжува. Но, ние знаеме што да правиме во врска со тоа. И затоа се справувам со овој нов начин, за мене, на комуникација “.
Профилот ќе го водат неговите соработници Џони Хјуз и Колин Батфилд.
Атенборо додаде дека во текот на следните неколку недели, тој ќе споделува видеа на својот профил за да ги објасни клучните еколошки проблеми и како можеме да ги надминеме.
„Придружете ми се, или како што порано велевме во раните денови на радио, останете во тек“, заклучи тој.
Атенборо веќе има над 700.000 следбеници.