Дебатна пролет: Натпревари на македонските дебатери во Косово и Австрија

Македонските дебатери викендов се натпреваруваа во Косово и Австрија, со што стартуваше и почетокот на низа дебатни турнири кои го најавуваат следното големо дебатно случување, Европското универзитетско дебатно првенство [EUDC], кое во август ќе се одржи во Загреб. Дебатерите пролетта ја користат да ја преточат теоријата во пракса посетувајќи што е можно повеќе турнири.

Дебатна пролет: Натпревар на македонскиte дебатери во Косово и Австрија
Debate Workshop and Mini Tournament Pre-Pristine Open 2014

За прв пат на иницијатива на Pro Debate club – Косовското дебатно друштво, се одржа викенд обука во Британска парламентарна дебата како и мини турнир во склоп на тренингот. На покана на дебатерите предавања по форматот одржаа Лазар Поп Иванов и Геoрги Велковски од Македонија и Манос Маскопулос од Грција, а учество земаа дебатери од 3 балкански земји Косово, Србија и Македонија. На мини – турнирот кој се одржа во неделата на Правниот факултет во Приштина се натпреваруваа 8 тима на дебатери почетници.

Дебатерите од Младински образовен форум Милка Геровска и Теодора Столевска [МПНТ] и Вилдан Дрпљанин и Бобан Сугаревски [ГМицајков] успејаа да стигнат до финалната дебата каде загубија од страна на своите колеги од Белград на тезата: ОД во улога на квалитетен фудбалер од Косово, би избрал да игра за репрезентација која е целосно признаена од ФИФА наместо за Косово.

Дебатна пролет: Натпревар на македонскиte дебатери во Косово и Австрија

Vienna IV 2014

Виенското дебатно друштво оваа година ги прослави своите 10 години постоење и во таа чест на овогодинешниот турнир учестуваваа дури 100 тима.

Во финалната дебата се судрија ставовите на тимовит Варшава А (ПВ), Вермонт Г (ПО), Белградо (ВВ) и Вермонт СС (ВО) на тезата : ОДВД ниту една држава во било која ситуација, нема право да бара, поддржува или промовира да нејзините граѓани се борат или загинат за државата, а победа на турнитот издвоија дебатерите од Белград, Марија Симиќ и Џорџе Јовичевиќ.
Петар Ивановски и Иван Кантарџиски беа нашите претставници на турниот кои се пласираа на 58то место на табот, со 8 освоени поени.

Слеен настап на македонските дебатери е Arandjelovac Open 2014, каде досега 38 тима го имаат најавено своето учество.