Панел дискусија на тема „Очекувањата на младите од од претстојните избори во Македонија”, ќе се одржи во петок (26 февруари) во ЕУ Инфоцентарот во Скопје. Настанот е организиран од Младинската организација на ДОМ , а на дискусијата се поканети претставници од политичките подмладоци, Националниот младински совет на Македонија (НМС), Институтот за економски стратегии и меѓународни односи Охрид, невладиниот сектор, меѓународните организации и институции кои работат на полето за младитe.
Младинската организација на ДОМ ќе биде домаќин на Генералното собрание, највисокото одлучувачко тело на Мрежата за соработка и развој на Источна Европа (ЦДНЕЕ) на кое ќе присуствуваат делегати од сите организации- членки, а ќе се одржи од 25 до 28 февруари 2016 година, во Скопје, Македонија. ЦДН е мрежа на младински организации посветени на развој и имплементација на Зелената агенда. Во мрежата членуваат подмладоците на Зелените партии, невладини организации за човекови права и еколошки невладини организации од Источна Европа. Мрежата е основана во 2002 година, а нејзина цел е да ги поттикне младите луѓе да одиграат круциална и активна улога во градењето на одржливо и демократско општество, помагајќи им преку поттикнување на соработка и споделување на искуството и знаењата со и помеѓу организациите-членки.
Од МОДОМ појаснуваат дека ќе го искористат престојот на Зелените од Источна Европа за запознавање со состојбата и потребите на младите во Република Македонија непосредно пред одржувањето на парламентарни избори.