Легендарниот њујорчанец и еден од најдолговечните светски диџеи, Danny Tenaglia на 1 август доаѓа во Македонија. На петтото издание на Green Beach Festival во Охрид, тој ќе настапи со продолжен сет, што според искуствата може да значи и повеќе од 6 часа музички избор на големиот диџеј!
Додека го очекуваме гостувањето на Tenaglia, Радио МОФ, заедно со Password и Octopussy, со големо задоволство ја најавуваат серијата специјални емисии посветени на Green Beach Festival, кои ќе кулминираат со забава – официјално загревање за Green Beach Festival и големата журка со Danny Tenaglia.
На 30 јули (среда) од 18:00 до 22:00 часот во дворот на МОФ ќе настапат: Игор Зотиќ, Jansky и B!Zarre. Журката ќе се пренесува во живо преку видеострим, а за време на настанот ќе доделуваме влезници за фестивалот во Охрид.
Идната среда, пак, (23 јули) од 12:00 до 14:00 часот на Радио МОФ ќе емитуваме уште една емисија во живо, во која ќе слушаме специјални гостински миксови и ќе доделиме уште влезници за Green Beach Festival. Првата ваква емисија беше емитувана завчера (16.07), а овде можете да ја слушнете во целост:
Summer Sessions with Danny Tenaglia – EPISODE 1 – B!Zarre (16.07.2014) by Radio Mof Music on Mixcloud