Манифестацијата „Cruise cult – The Art of the motorcycle 2023 vol.2“ ќе се одржи во сабота (24 јуни) во Парк на Франкофонија и Мобилна/Монтажна галерија – Скопје од 12 до 17 часот.
„Главен акцент на оваа манифестација е спојувањето на уметноста и мото-културата односно на широката публика сакаме да и ја претставиме уметноста искажана преку мотоциклите и нивната индивидуална нота вметната од самите сопственици“, велат организаторите.
Програмата на настанот е следна:
-Изложба на најдобри примероци на мотоцикли од класите (chopper, customized, cruiser, bobber, trucker, café racer, rat bike, apocalypse, rare, classic.)
-Изложба илустрации, колажи и фотографии од Кристијан Новковски во Мобилна/Монтажна галерија
-Перформанс „Airbrush and pinstripe“: изработка на уметнички дела односно цртежи на самите мотоцикли со помош на воздушен пиштол и посебни четки
-Музички дел: Live Blues and Rock session
Настанот е поддржан од Министерство за култура, Општина Центар и Центар за современи уметности – Скопје.
