Светскиот фонд за природа и музејот Прадо во Мадрид ги здружија силите за да го вклучат алармот за влијанието на климатските промени, додека политичките лидери и дипломати се состануваат на Самитот за климатски промени на Обединетите Нации.
Заеднички избраа четири ремек-дела од колекцијата на музејот за да ги потенцираат последиците врз животната средина од различните феномени поврзани со климатските промени.
Инаку, конференцијата требаше да се одржи во Чиле, но беше откажана од страна на владата, поради граѓанските немири коишто се случуваат последните недели, па затоа годинава домаќин е Шпанија. Таа започна пред три дена, а ќе трае до 13-ти декември.
Земјите преговараат за амбициозни планови за ограничување на глобалното затоплување во согласност со Парискиот договор.