Педесетина илјади лица вчера излегоа на протести со барање Белгија да престане со експлоатацијата на две нуклеарни централи.
Загрижени за безбедноста, демонстрантите од Германија, Белгија и Холандија, формираа синџир од луѓе околу местото каде што се среќаваат границите на трите држави.
Учесниците на протестот се загрижени за безбедноста на резервоарите под притисок во нуклеарните реактори Тијанж 2 и Доел 3 во Белгија.
Германија, која планира да ги згасне сите свои нуклеарни реактори до 2022 година, е загрижена поради нуклеарните капацитети надвор од својата земја.