Во рамките на МТФ Скупи Фестивал, вечерва ќе се одигра претставата „Вампир“ во продукција на Драмскиот театар „Никола Вапцаров“од Бугарија. Претставата ќе се одигра со почеток од 20.00 часот, во Младинскиот Културен Центар – Скопје.
Според погледот на режисерката Маргарита Мачева, светот во „Вампир“се темели врз строги правила, ставени пред чувствата, желбите и личниот избор. Кршењето на овие закони води во бездна. Неспособноста на човекот да се справи со своите желби и страсти води кон самоуништување и смрт.
„Вампир“ е претстава за нерационалните желби, за храброста да се биде поинаков, за внатрешниот порив и за борбата за опстанок во свет во кој овие пориви се забранети. Претставата не се препорачува за лица под 14 годишна возраст.
Целосната програма на МТФ „Скупи Фестивал“ можете да ја проследите на официјалната веб-страница на фестивал, www.skupifestival.org.mk.
Билетите со цена од 150 денари можат да се купат на билетарницата на МКЦ, или да се резервираат на bileti@mkc.mk.
МТФ „Скупи Фестивал“ е поддржан од Министерството за култура на РМ и Градот Скопје.