Легендарниот британски бенд Ozric Tentacles за првпат гостува во Македонија вечерва во Младинскиот културен центар, со почеток од 20 часот. Групата важи за легенда на британскиот андерграунд и еден од највлијателните бендови кои се појавиле на британската музичка сцена.
Бендот штотуку го објавија својот најнов двоен студиски албум „Technicians of the Sacred“. Дваесет и првиот албум на овој бенд нуди 90-минутно астрално патување во еден сосем друг свет. Со искуство од над триесет години, Ozric Tentacles ги искусиле променливостите на рокерскиот начин на живот. Бендот има издадено два хит албума, создадено две издавачки куќи (Dovetail & Stretchy), бројни настапи, неколку странични проекти (вклучувајќи ги Eat Static и Nodens Ictus), објавено 29 албуми, настапи во 35 земји и 45 држави и продадено над милион албуми во светот.
Покрај нив, на сцената на МКЦ вечерва ќе настапат и Project RnL од Израел, Tengri и Vertical Sofa – Btkrsh.
Настанот го организираат Skopje Dance Festival и de:sonanz festival, со поддршка од Back To The Rituals, Btkrsh, Distant Point, Aura Records и Младинскиот Културен Центар.