Националниот совет за истражување на околината на Велика Британија (NERC) започна анкета за име на новиот брод за експедиции вреден 2,8 милиони долари минатиот месец, преку кампањата #nameourship. Анкетата беше затворена во саботата на полноќ, а од повеќе од 7000 предлози за име, најмногу гласови доби Boaty McBoatface.
Сепак, иако смешното име доби 78 проценти од гласовите, конечната одлука останува на NERC и извршниот директор, Данкан Вингам.
„NERC нема да ги разгледува сите предложени имиња, а конечната одлука за името ќе биде најавена за кратко време“, објави организацијата.
@NERCscience If you don’t call it Boaty McBoatface I’ll hate science forever.
— Lo Five (@LOFIVE_) April 17, 2016
Инаку, Советот има долга историја на именување на своите бродови според истражувачи, најчесто познати морепловци од Британија од 18 и 19 век, како Ернест Шеклтон и Џејмс Кук. Затоа, се чини дека е тешко дека ќе ја прекршат традицијата и ќе го прифатат предологот.
Инаку, меѓу имињата со најголем број гласови се најдоа и Попи Меј (во чест на девојче кое се бори со рак), Хенри Ворсли (во чест на британскиот истражувач кој почина на почетокот на годинава) и Дејвид Атенборо. Сепак, меѓу предлозите има и доста хумористични имиња, како It’s Bloody Cold Here, Usain Boat, Boatimus Prime и I like big boats & I cannot lie.
Извор: IFL Science