Blackstate за прв пат на „Здраво Млади“, заедно со Viagra Boys, Noga Erez, Shortparis, Belgrado, ИСКРА, Murman Tsuladze, најавуваат од МКЦ – Скопје. Овогодишното, 11-то по ред издание на Фестивалот ќе се одржи во два дена, на 26 и 27 август во МКЦ парк.
Blackstate е псевдонимот зад кој стои Филип Тасевски – Фиц, долгогодишен дел од музичката сцена кај нас. Најпознат како фронтмен на панк рок бендот Новиот Почеток, но и дел од проектите Astrolungs и Retro Cabaret.
„Blackstate е сосема друга приказна, современа експериментална електроника во која Тасевски со своето самоистражување ја бара својата малку „потемна“ музичка страна. Промените се дел од растењето и созревањето, а ова што го Фиц го потпишува како Blackstate е потврда за здрав развој на еден креативец/музичар/индивидуа. За прв пат со придружба на бината, Blackstate со нетрпение го очекуваме да презентира и дел од досегашниот, но и дел од новиот материјал“, најавуваат од МКЦ.
Повеќе информации може да најдете на следниов ЛИНК.
