„Wire“ за утре (6 мај, петок) со почеток од 22 часот најавува концерт на единствените „ВЕЛ“ од Битола, кој ќе се одржи во Младинскиот културен центар во Скопје.
Рокенрол составот е формиран во 2019 година, а на концертот „ВЕЛ“ ќе го промовираат својот прв албум „Црнило“.
Дебито е снимено во битолското студио „ОМНИ“ и на него се наоѓаат десет авторски нумери, за кои организаторот вели дека доволно говорат за јасните музички перцепции и смели текстуални идеи на „ВЕЛ“.
„’ВЕЛ е’ музичка група од Битола, која вешто се поигрува со најразлични, современи музички правци, создавајќи притоа музика со модерен и софистициран звук“, соопштуваат од „Wire“.
Групата е соствена од вокал / бас гитара – Томе Спасовски, вокал / втора Гитара – Александар Гулевски, гитара / вокали – Златко З’лте Никодиновски, клавијатури / вокали – Денис Денко Алитовски и на тапани е Сашо Ристето Ристевски.
Инаку, „ВЕЛ“ деновиве е актуелна со спотот за песната „Суд“.
