ПСМ Фондација во соработка со општина Гази Баба организира бесплатни обуки за бизнис план за млади лица од територијата на оваа општина
Во рамки на обуките, учесниците ќе научат како успешно да започнат бизнис и да изработат бизнис план, а ќе биде организиран и натпревар за најдобар бизнис план.
Со помош на искусни предавачи, избраните кандидати ќе ја научат основата на бизнисот преку повеќе предавања на следниве теми: изработка на бизнис план, сметководство, комуникации, маркетинг, финансии, вработени и продажба.
Обуката ќе трае 7 дена, а сите учесници ќе добијат водич за пишување на бизнис план и подарок два бизнис бестселера. Пријавувањето трае до 10 февруари 2014 година.