На заштитната ограда, која месецов Град Скопје ја постави на улицата „Цветан Димов“, деновиве млади уметници цртаат графити со имиња на деца кои секојдневно го поминуваат.
Бесмир, Ера, Омар, Тони и Нина се дел од имињата испишани на банкините, а кои како што информираат од Општина Чаир, секојдневно ја преминуваат улицата за да одат и ја следат наставата во училиштата и градинките во тој крај.
Заштитната ограда започна да се поставува на почетокот од месецов, а како што информираа од Град Скопје, целта е поголема заштита на пешаците и велосипедистите, како и воспоставување контрола на сообраќајниот метеж на оваа улица.