Австралискиот Параолимпиец Дилан Алкот во вторникот освои златен медал во тенис во парови, заедно со својот партнер Хит Дејвидсон, на Параолимписките игри во Рио. Но, ова не е негов прв златен медал – на Игрите во Пекинг во 2008 година бил дел од кошаркарскиот тим кој освои злато за Австралија.
Во интервју за Channel 7 после натпреварот, Алкот изјавил дека не може да поверува дека успеал да го добие златото.
„Ова е мој златен медал во втор спорт. Да ми кажеше некој како осумгодишен ученик кој е малтретиран од соучениците поради неговата попреченост дека тоа може да се случи, немаше шанси да му поверувам.
Алкот бил роден со тумор на ’рбетниот мозок, и станал параплегичен после ризичната операција која му била извршена како новороденче.
Освен што се усовршува во повеќе спортски дисциплини, Алкот повремено се занимава и со рап. Во 2014 година настапил на музичкиот фестивал Мередит, заедно со Ghostface Killah од Wu-Tang Clan.