Зошто во Македонија е вест одржувањето на претседателска дебата? Што научивме од претседателските дебати и каков беше нивниот квалитет? Какво е влијанието на претседателските дебати во јавноста?
Ова се само дел од прашањата поставени на денешната дебата на Радио МОФ на која дискутираа Зоран Иванов – програмски директор во ТВ 24 Вести, Петар Арсовски – комуниколог и Стефан Ристовски – координатор на Дебатната програма во МОФ. Дебатата ја водеше новинарката Кристина Озимец.
Македонија на 27 април по петти пат избира претседател. Во пресрет на првиот круг од претседателските избори, јавноста имаше можност да проследи само две претседателски дебати. Едната во организација на американскиот Национален демократски институт на ТВ 24 Вести, каде не гостуваше претседателскиот кандидат на ВМРО –ДПМНЕ, Ѓорѓе Иванов и онаа на јавниот сервис – МРТВ каде учествуваа сите кандидати.
Целата дискусија насловена „Што научивме од претседателските дебати?“ може да ја преслушате во продолжение:.
Shto nauchivme od pretsedatelskite debati? by Radio Mof on Mixcloud