Апликација овозможува секој да помогне при спасувањето на бегалци од морињата

Благодарение на нова апликација, луѓе од сите страни на светот можат да дадат значителен придонес на хуманитарните и невладините организации кои се вклучени во спасувањето на бегалци во Средоземното Море.

I Sea е прв „краудсорсинг“ проект од ваков вид, и му овозможува на секого кој има паметен телефон да скенира сателитски слики од одреден дел од океанот за да најде чамци со мигранти кои се во опасност.

Апликацијата, која засега е достапна само на Епл Стор (верзијата за Андроид се уште се тестира), е соработка меѓу Станицата за помош на мигранти во вода, и сингапурската организација Grey for Good.

https-%2F%2Fblueprint-api-production.s3.amazonaws.com%2Fuploads%2Fcard%2Fimage%2F115938%2FISEA

„Сакавме да ја искористиме технологијата за луѓе кои имаат слободно време да ги надгледуваат морињата, и сме нетрпеливи да помогнеме во бегалската криза“, вели Лоу Џун Џек, извршен и креативен директор во Grey for Good, за Mashable.

„Апликацијата опфаќа сателитска слика од морето и ја дели во илјадници помали површини. Секој дел е доделен на различен корисник. Можат да ја гледаат површината преку апликацијата, и да видат дали таму има брод во опасност“.

Доколку корисник забележи брод со мигранти, можат да го означат и да им јават на властите, кои ќе ја анализираат сликата и потоа ќе ја кажат локацијата за спасувачка мисија. Секоја површина има геолокациски податоци и координати со кои се идентификува.