Силуета од познатата дадилка Мери Попинс, носејќи маска како заштита од загадувањето леташе над Вестминистерската палата викендов. Тоа е новата акција на еколошката организација „Гринпис“, како еден вид на протест откако загадувањето ги надмина дозволените граници во Велика Британија.
Групата на Твитер напиша: „Само пет дена во 2017 година и Велика Британија ја надмина границата на аерозагадување. Мери Попинс протестира против загадувањето на воздухот“.
just 5 days into 2017 and the UK has exceeded it legal limit for air pollution for the WHOLE YEAR!! Mary Poppins in #airpollution protest pic.twitter.com/0GdE7oF8Jv
— Greenpeace Pictures (@GPUKpictures) January 6, 2017
Организацијата сака Владата да ја запре продажбата на новите дизел автомобили и да ги поттикнува произведувачите да прават електрични или хибридни возила.
Покрај „Гринпис“, и други организации, но и правни фирми побараа од градоначалникот на Лондон, Садик Кан, да преземе нешто по неговите ветувања на изборите. Тој претходно вети зона со минимални емисии на штетни гасови до 2019 година и дека ќе ги пушти најчистите автобуси во најзагадените патишта.
