Независната истражувачка Валентина Салерно идентификувала 20 дела кои претходно биле малку познати или чија автентичност била спорна и потврдила дека му припаѓаат на Микеланџело Буонароти.
Во својата студија „Michelangelo gli ultimi giorni“ („Последните денови на Микеланџело“), Салерно го реконструира последниот период од животот на уметникот споредувајќи документи од италијански и странски архиви, пренесе ANSA.
Таа открила дека Микеланџело не ги уништил скиците и скулптурите во својот дом во Рим, како што претходно се верувало, туку им ги доверил на ученици и пријатели да ги чуваат на тајна локација. Еден од пронајдените документи опишува просторија во која била скриена толку вредна збирка што бил потребен систем со повеќе клучеви за да се отвори.
Според експертите, просторијата е празна повеќе од 400 години.
Резултатите од истражувањето биле поддржани од стручњаци од Латеранската црква и Базилика Свети Петар, а трагите биле потврдени и на аукција во Christie’s во Лондон, каде што била продадена скица за постаментот на Либиската Сибила.
Извор: Telegraf Nauka/Tanjug / Freepik
