Иако женското генитално осакатување (ЖГО) е забрането во многу земји, животот по оваа штетна пракса останува речиси невидлив во јавниот дискурс. Штетата не завршува во моментот кога девојчињата и жените се подложени на ЖГО — за многу преживеани, токму тогаш започнува долга и тешка борба за правда, заштита и заздравување.
За милиони жени и девојчиња ширум светот, самата законска забрана не значи и реална правда. Недостасуваат системи за психолошка и медицинска поддршка, безбедни механизми за пријавување, како и ефикасно гонење на сторителите. Во многу заедници, стигмата, стравот и притисокот од околината ги замолчуваат преживеаните, оставајќи ги без глас и без помош.
Правдата, како што посочуваат од UN Women, не е само спречување на праксата, туку и обезбедување целосна поддршка за оние кои веќе ја преживеале. Таа подразбира пристап до здравствени и психосоцијални услуги, правна заштита и јасна одговорност за оние што го извршуваат или овозможуваат овој чин.
Сè додека преживеаните не добијат реална поддршка и признание, борбата против ЖГО нема да биде завршена.
Извор: UN Women’s Skopje
Фото: Pexels.com
