Ви ја претставуваме втората епизода од новиот серијал видео подкасти „Балкански перспективи“, во соработка со ProPeace. Професионалци од различни области во општеството ќе говорат за нивните искуства и како последиците од конфликтот во 2001, Охридскиот рамковен договор и помирувањето се отсликуваат во нивните професии.
Во епизодата „Млади против поделби“ Ристо Савески и Ана Наумоска разговараат за тоа како последиците од конфликтот во 2001, денес влијаат на животите на оние кои тогаш не биле ни родени, а треба да ја претставуваат движечката сила на државата. Тргнувајќи од личното искуство, Ана и Ристо како млади и како младински работници, добро знаат како нивните врсници од различните етнички заедници денес се дружат, соработуваат и дали воопшто се разбираат. Ако светот стана поле за меѓугенерациско надмудрување, дали нашите млади ќе можат да ги надиграат нечистите игри на македонската политика.
