Раперот Канје Вест ја објави својата кандидатура за претседател на САД.
Неочекуваниот предизвикувач на Доналд Трамп и на Џо Бајден, го одбра американскиот Ден на независност за да го објави изненадното соопштение на Твитер, предизвикувајќи бура на социјалните медиуми.
„Сега мора да го реализираме ветувањето на Америка со тоа што ќе веруваме во Бога, обединувајќи ја нашата визија и градејќи ја нашата иднина“, напиша Вест. „Јас се кандидирам за претседател на Соединетите држави“.
We must now realize the promise of America by trusting God, unifying our vision and building our future. I am running for president of the United States 🇺🇸! #2020VISION
— ye (@kanyewest) July 5, 2020
Не е јасно дали 43-годишник поднел официјална документација да се појави на гласачките ливчиња за државни избори. Крајниот рок за додавање на независни кандидати на гласачкото ливче сè уште не поминал во многу држави.
Вест, кој е многукратен добитник на Греми, веднаш доби поддршка од Илон Маск, главниот извршен директор на производителот на електрични автомобили „Тесла“ коментирајќи: „Ја имате мојата целосна поддршка!“
Вест и неговата сопруга во 2018 го посетија Трамп во Белата куќа за да разговараат за реформите во затворите. Тогаш изрази симпатии кон Трамп и најави кандидатура дури по 2024-та година.
Гласањето за нов претседател е закажано за 3 ноември.