Индија го забрани најчестиот начин за покажување на припадност на „ВИП културата“ – црвеното светло на автомобилите на министрите, владините службеници и бирократите.
Премиерот Нарендра Моди изјави: „Секој Индиец е посебен. Секој Индиец е ВИП“.
Забраната, ефективна од 1 мај, ќе важи дури и за возилата на претседателот, премиерот и врховниот судија на Индија.
Забраната е историска бидејќи црвеното светло, воведено од британските колонизатори пред независноста на Индија, се гледало како „статусен симбол“ и прикажување на привилегија и моќ.
Кога автомобил со црвено светло, или „лаал бати“, како што е популарно познат, ќе се појави на индиски пат каде има метеж, сите прават пат за него. Овие возила речиси секогаш биле исклучок од полициските проверки и гранична контрола.
Граѓаните, но и пратениците, на социјалните мрежи ја пофалија одлуката.
Every Indian is special. Every Indian is a VIP. https://t.co/epXuRdaSmY
— Narendra Modi (@narendramodi) April 19, 2017
Respecting Modi Govt’s historic decision of ending Lal Batti culture, removed Red Beacon from my car. #EveryoneVIPinNewIndia pic.twitter.com/gwoIhojmYD
— Vijay Rupani (@vijayrupanibjp) April 20, 2017
A very noble decision taken by @narendramodi for the removal of Lal Batti on vehicles. This culture of red beacons will end now
— Raj Singh (@navybutola) April 19, 2017
Секако, во употреба остануваат сино-црвените светла и сирени за противпожарната служба, полицијата и армијата.