Група од 50 држави се заложија дека ќе заштитат 30% од земјината површина и океаните за да се спречи уништувањето на природата и бавното изумирање на дивиот свет.
Коалицијата на високи амбиции за природата и луѓето (ХАЦ), во која членуваат земји од шест континенти, се обврзаа да заштитат третина од Планетата пред денешниот самит во Париз на кој домаќин е францускиот претседател Емануел Макрон, пренесе Гардијан.
Научниците претходно потенцираа дека човечките активности водат кон шестото масовно истребување на животот на Земјата и дека земјоделското производство, рударството и загадувањето се закануваат на нормалното функционирање на екосистемите кои поддржуваат живот кои се клучни за човечката цивилизација.
The High Ambition Coalition for Nature and People is a 50-State coalition led by 🇫🇷 & 🇨🇷 committed to protecting 30% of land and seas worldwide by 2030. They call onto all States to join the HAC before #COP15. #Biodiversity #ClimateAction #OnePlanetSummit pic.twitter.com/ALYYtbVNmy
— One Planet Summit (@oneplanetsummit) January 11, 2021
Во соопштението на ХАЦ се наведува дека заштитата на 30% од планетата до крајот на деценијата е клучно за спречување на масовно изумирање на растенијата и животните и за обезбедување природно производство на чиста вода и воздух.
Оваа заложба најверојатно ќе биде главната цел на „Парискиот договор за природата“ кој ќе се преговара на самитот КОП15 во Кунминг, Кина, на крајот на годинава. Од ХАЦ изразуваат надеж дека заложбите на земјите како Колумбија, Костарика, Нигерија, Пакистан и Канада ќе обезбедат подлога за конечен договор во Обединетите Нации.