[Галерија] Laibach не помина без цензура во Пјонгјанг

Групата Laibach го одржа првиот концерт во Пјонгјанг, со што стана првиот бенд од странство што настапил во северна Кореја.

Поради голем интерес, властите го префрлиле концертот во театарот Понгва, а Laibach настапиле пред 1.500 посетители, во најголем дел Корејци. Околу 150 странци – дипломати, членови на разни здруженија и туристи го проследиле концертот. Турнејата на Laibach продолжува со уште еден концерт вечерва.

 

Според словенечкиот новинар Јуре Тепина, кој бил присутен, очекувано, настапот на Laibach не поминал без цензура од строгите севернокорејски власти – била изменета видеопроекцијата на песната „Final Countdown“, делови од текстот на „Eat Liver“, а на песната „Arirang“ не настапил планираниот хор, затоа што за тамошните прилики, не е соодветно женски хор да стои зад „бели“ изведувачи и да ги придружува со пеење.

Еве фотографии од концертот кои ги објави групата: