Претседателот на САД Доналд Трамп го пофали либерискиот претседател Џозеф Боакаи за неговото зборување англиски, за време на состанокот со неколку африкански лидери во Белата куќа, пренесува Би-Би-Си.
Трамп му рече на Боакаи дека зборува „одлично англиски“, прашувајќи каде одел на училиште.
Посетителот учтиво се насмеа, но не спомна дека англискиот е официјален јазик на Либерија. Трамп додаде дека на масата седат негови луѓе „кои не зборуваат англиски ни до пола толку добро“.
Најстарата република во Африка, Либерија, е основана во 1822 година од ослободени американски робови заради преселување на слободни црнци во Африка.
