„Сето ова се случува во сегашноста. Додека ние го живееме животот во некоја своја фантазија, тие ја уништуваат нашата земја, природата, Македонија. Со години се водат погубни политики и профитерски проекти каде што бенефит имаат само политичарите и тие поврзани со нов. Еден од тие проблеми е и изградбата на 2 мали хидроцентрали на реката Дошница“, пишува за својот мини документарец Мето, кој го објави своето видео преку Јутјуб.
Како што објаснува, видеото се случувало во 2 дена, но тие, како што вели – херои се повеќе од 50 дена на блокада и ја бранат животната средина.
„Првичната цел ми беше да отидам таму и да дадам поддршка, бидејќи стварно не ми е сеедно. Не можам да гледам како единственото место за живеење ни го убиваат само за да стигнат до повеќе богатство. Се надевам дека ќе ви се допадне, прв проект ми е со ваква содржина и отворен сум на секакви критики. Да живее природата. Да живее Македонија“, нагласува Мето во соопштението за видеото.
